Encheramo-las velas
ca luz náufraga da madrugada
Pendurando en dous puntos
/cardinaes
a randeeira esguía
do pailebote branco
[...]
Inventaremos frustradas
/ descobertas
a barlovento dos horizontes
pra acelerar os abolidos corazóns
dos nosos veleiros defraudados
Halaremos polo chicote
dun meridián innumerado
[...]
Encadearemos adeuses d'escuma
pra tódalas praias perdidas
Xuntaremos cadernos en branco
da novela errante do vento
Pescaremos na rede dos atlas
ronseles de Simbad
E cazaremo-la vela
sobre o torso rebelde das tormentas
pra trincar a escota dunha ilusión.
MANUEL ANTONIO, De catro a catro.
0 comentarios:
Enviar um comentário